د لښکرګاه ښار کې د ماشومانو د خوندیتوب د قضیو د مدیریت خدمتونه - هلمند - International Rescue Committee

تفصیل

د ژغورنې نړیواله کميټه (IRC) د هلمند ولایت د لښکرګاه ښار د موسی خان او فصل بولان کلیو کې د زیان منونکو ماشومانو لپاره چې محافظت ته اړتیا لري د قضیو د مدیریت ځانګړي خدمتونه وړاندې کوي. د IRC د ماشومانو د خوندیتوب څانګه د هغو ماشومانو د پېژندنې او ملاتړ لپاره د هڅو مشري کوي چې له خطر سره مخ دي یا د کورنۍ جلاوالی، تاوتریخوالی، ناوړه ګټه اخیستنې، غفلت او استثمار تجربه کوي.

په جنسیتي انډول برابر د IRC د قضیو د مدیریت کارډله د دې ماشومانو لپاره د سمدستي ملاتړ چمتو کولو او د دوی ځانګړو اړتیاوو چمتو کولو لپاره کار کوي. کارډلې له کورنیو سره له نږدې کار کوي ترڅو ډاډ ترلاسه شي چې ماشومان خوندي او له زیان څخه ساتل شوي دي.

د ځانګړو قضیو مدیریت خدمتونو چمتو کول د زیان منونکو ماشومانو د خوندیتوب لپاره یو مهم ګام دی او ډاډمنوي چې ماشومان هغه پاملرنه او ملاتړ ترلاسه کوي چې دوی ورته اړتیا لري. د ژغورنې نړیواله کمېټه ژمنه ده چې د ماشومانو د خوندیتوب د ودې او د اړو ماشومانو د حقونو د ساتنې لپاره خپلو هڅو ته دوام ورکړي.

تاسو څنګه کولی شئ د دې خدمتونو څخه ګټه پورته کړئ؟

وړ اشخاص او کورنۍ چې د هلمند ولایت په مرکز لښکرګاه ښار کې پورتنیو خدمتونو ته اړتیا لري کولای شي د IRC دفتر له کارکوونکو سره اړیکه ونیسي. اړ کسان کولای شي په دغه ولایت کې د ژغورنې نړیوالې کمېټې ساحوي دفتر ته ورشي او د مرستې غوښتنه وکړي. همدارنګه، د تلیفون له لارې د معلوماتو مرکز سره اړیکه ونیسئ او د دې خدماتو په تړاو د خپلو پوښتنو ځوابونه ترلاسه کړي. د دفتر پته، ورځې او کاري ساعتونه په لاندې ډول دي:

د ژغورنې د نړیوالې کمېټې د دفتر پته: د هلمند ولایت، لښکرګاه ښار، غزني کوڅه، دویمه ناحیه، د IRC دفتر.

د خدمت وخت: هره اونۍ له یکشنبې څخه تر پنجشنبې د سهار له 08:00 بجو څخه د ماذیګر تر 04:00 بجو پورې.

د معلوماتو مرکز: هغه خلک چې بشردوستانه خدمتونو ته اړتیا لري کولی شي د "بپرسید" یا "وپوښتئ" وېبپاڼې، د واټساپ شمېرې (0729807235) یا د دې ډیجیټل پلټفارم د فېسبوک مسېنجر له لارې معلومات او یا خپلو پوښتنو ته ځوابونه ترلاسه کړئ. د "وپوښتئ" ټیم هغو خلکو ته چې د نړیوالو سازمانونو بشري خدمتونو ته اړتیا لري، په انلاین بڼه معلومات وړاندې کوي او د اړتیا په صورت کې اړمن کسان د خدماتو ترلاسه کولو او لاسرسي لپاره اړوندو څانگو ته راجع کوي.

مهم ټکي

·        د دې خدمت چمتو کولو او ترلاسه کولو لپاره د ملاقات وخت ټاکلو ته اړتیا ده؛

·        دا خدمت په رسمي رخصتیو کې تړلی دی.

·        د دې خدمتونو وړاندې کول په بشپړه توگه وړیا دي؛

·        هغه ځای یا ودانۍ کې چې دا خدمتونه وړاندې کېږي، وړ اسانتیاوې لري او ټولو مراجعینو ته د لاسرسي وړ دی.

·        ودانۍ د مراجعینو د لېږدولو لپاره لېفټ نه لري، خو د دفتر کارکوونکوي چمتو دي چې له تاسو سره مرسته وکړي؛

·        هغه مراجعین چې د اورېدلو او خبرو کولو توان نه لري، دوی ته په اشاروي ژبه معلومات وړاندې کېږي؛

·        پر نارینه وو سربېره، د ټیم د یوې برخې په توگه ښځینه کارکوونکې هم خدمت لپاره په دفتر کې شتون لري؛

·        د نارینه او ښځینه تشنابونه جلا دي او د ټولو مراجعینو د لاسرسي وړ دي؛

·        دا خدمتونه په پښتو، دري او انگلیسي ژبو وړاندې کېږي.

یادونه: په گوگل نقشه (Google map) کې د نړیوالې ژغورنې کمېټې (IRC) دفتر کره موقعیت پوهېدو لپاره، لاندې پتې باندې کلیک وکړئ:

د پیل مهال

یک شنبه:
08:00 - 04:00
دوشنبه:
08:00 - 04:00
سه شنبه:
08:00 - 04:00
چهارشنبه:
08:00 - 04:00
دوشنبه:
08:00 - 04:00

پته

Lashkargah City, Helmand Province, Ghazni Lane, PD 2, IRC Office

;