د هلمند په لښکرګاه ښار کې د ماشومانو د خوندیتوب خدمتونه

Opening Hours

• Monday: -
• Tuesday: -
• Wednesday: -
• Thursday: -
• Friday: -
• Saturday: -
• Sunday: -

د ژغورنې نړیوالې کمېټې (IRC) د هلمند ولایت په لښکرګاه ښار کې د خوندي او ښوونیزو مرکزونو په جوړولو سره د ماشومانو د خوندیتوب په موخه کار کوي. یاد بنسټ لومړی زیانمنونکي ماشومان پېژني او بیا یې تر خپلې ساتنې لاندې نیسي او د اړتیا په صورت کې ورته نغدې پیسې ورکوي. 

دا مرکزونه ماشومانو لپاره د ټولنیزو او عاطفی چلندونو زده‌کړې او د رواني ملاتړ خدمتونه وړاندې کوي څو د دوی پنځه وړتیاوې لکه د دماغ وده، عواطفو تنظیم، مثبت ټولنیز مهارتونه، د شخړو حل او د هڅې ځواک پیاوړې کړي. 

برسېره پر دې، د IRC  دفتر د ټولنې په کچه د ماشومانو د ملاتړ پروګرامونو د پیاوړتیا په موخه د ټولنې پر بنسټ د ماشومانو د ملاتړ ټیمونه جوړ کړي دي. د دې پروګرامونو په ترڅ کې مور او پلار ته د ماشومانو د ښې روزنې او د ماشومانو او تنکي ځوانانو د رواني او ټولنیزو اړتیاوو د ملاتړ په برخه کې د هغوی مهارتونو ته د وده ورکولو په موخه روزنه ورکول کېږي. 

تاسو څنګه کولی شئ د دې خدمتونو څخه ګټه پورته کړئ؟ 

هغه ماشومان چې د هلمند ولایت د لښکرګاه په ښار کې دې ډول خدمتونو لاسته راوړلو ته اړتیا لري، خپلوان یې کولی شي په یاد ولایت کې د ژغورنې د نړیوالې کمېټې ساحوي دفتر ته ورشي او یا هم له دې بنسټ سره د ټلېفون له لارې اړیکه ونیسئ او له دې خدمتونو ګټه پورته کړئ. د دې دفتر پته، کاري ورځې او ساعتونه په لاندې ډول دي: 

د ژغورنې د نړیوالې کمېټې د دفتر پته: د هلمند ولایت، لښکرګاه ښار، غزني کوڅه، دویمه ناحیه، د IRC دفتر 

د خدمت وخت: هره اونۍ له یکشنبې څخه تر پنجشنبې د سهار له 08:00 بجو څخه د ماذیګر تر 04:00 بجو پورې 

د اړیکو معلومات: که تاسو دفتر ته نه شئ تللی یا نورو معلوماتو ته اړتیا لرئ، تاسو کولی شئ د 070543022  شمېرې ته زنګ ووهئ، د 070703081 ته پیغام ولېږئ یا د Atiqullah.Atal@rescue.org برېښنالیک له لارې اړیکه ونیسئ. 

مهم ټکي: 

• د دې خدمتونو وړاندې کول په بشپړه توګه وړیا دي؛ 
• هغه ځای یا ودانۍ کې چې دا خدمتونه وړاندې کېږي، مناسب اسانتیاوې لري او ټولو مراجعینو ته د لاسرسۍ وړ ده. 
• ودانۍ د مراجعینو د لېږدولو لپاره لېفټ نلري، خو د دې دفتر کارکوونکوي چمتو دي چې تاسو سره مرسته وکړي؛ 
• دا خدمتونه په پښتو، دري او انګلیسي ژبو وړاندې کېږي؛ 
• هغه مراجعین چې د اورېدلو او خبرې کولو توان نلري، دوی ته په اشاروي ژبه معلومات وړاندې کېږي؛ 
• پر نارینه وو سربېره، د ټیم د یوې برخې په توګه ښځینه کارکوونکې هم خدمت لپاره په دفتر کې شتون لري؛ 

یادونه: په ګوګل نقشه (Google map) کې د دفتر کره موقعیت پوهېدو لپاره، لاندې پتې باندې کلیک وکړئ: