په نادعلي ولسوالۍ کې د رسمي ښوونیزو خدمتونو څخه ملاتړ

د ژغورنې نړیوالې کمیټې (IRC) د هلمند ولایت په نادعلي ولسوالۍ کې ښوونځیو ته د درسي موادو برابرولو سره د نجونو او هلکانو له رسمي زده کړو څخه ملاتړ کوي. 

یاد بنسټ د نجونو او هلکانو د رسمي زده کړو د مرکزونو د پېژندلو په موخه خپله ځانګړې ارزونه ترسره کوي. د IRC دفتر په دې ولسوالۍ کې د رسمي ښوونیزو مرکزونو او ښوونځي له پېژندلو وروسته، له زده کونکو او ښوونکو سره یې د درسي موادو لکه خطي کتابچو، د رسامۍ کتابچو، انځوریزکتابونو، رنګین پنسلونو، د لیکلو تختو، د اوبو بوتلونو، دایمي مارکرونو، د متن اصلاح قلمونو، حساب ماشینونو او ماسکونو مرسته کوي. 

د ژغورنې نړیواله کمېټه هوډ لري چې نجونې او هلکان زده کړو ته لاسرسی ولري او ټولنې هڅوي چې زده کړې د بشري اړتیا په توګه وبولي. 

سربیره پردې، د هلمند ولایت د نادعلي په ولسوالۍ کې د نجونو او هلکانو د زده‌کړې د ملاتړ پروګرام د والدینو او د ټولنې د غړو لپاره د کافي روزنې زمینه برابروي څو زده کړو ته د ماشومانو په لاسرسي کې برخه واخلي. 

تاسو څنګه کولی شئ د دې خدمتونو څخه ګټه پورته کړئ؟ 

د هلمند ولایت په نادعلي ولسوالۍ کې د نجونو او هلکانو ښوونیز مرکزونه چې یادو خدمتونو ته اړتیا لري کولی شي په یاد ولایت کې د ژغورنې د نړیوالې کمېټې ساحوي دفتر ته ورشي او یا هم له دې بنسټ سره د ټلېفون له لارې اړیکه ونیسئ او له دې خدمتونو ګټه پورته کړئ. د دې دفتر پته، کاري ورځې او ساعتونه په لاندې ډول دي: 

د ژغورنې د نړیوالې کمېټې د دفتر پته: د هلمند ولایت، لښکرګاه ښار، غزني کوڅه، دویمه ناحیه، د IRC دفتر 

د خدمت وخت: هره اونۍ له یکشنبې څخه تر پنجشنبې د سهار له 08:00 بجو څخه د ماذیګر تر 04:00 بجو پورې 

د اړیکو معلومات: که تاسو دفتر ته نه شئ تللی یا نورو معلوماتو ته اړتیا لرئ، تاسو کولی شئ د 0789940718 شمېرې ته زنګ ووهئ. 

مهم ټکي: 

• د دې خدمتونو وړاندې کول په بشپړه توګه وړیا دي؛ 
• هغه ځای یا ودانۍ کې چې دا خدمتونه وړاندې کېږي، مناسب اسانتیاوې لري او ټولو مراجعینو ته د لاسرسۍ وړ ده. 
• ودانۍ د مراجعینو د لېږدولو لپاره لېفټ نلري، خو د دې دفتر کارکوونکوي چمتو دي چې تاسو سره مرسته وکړي؛ 
• دا خدمتونه په پښتو، دري او انګلیسي ژبو وړاندې کېږي؛ 
• هغه مراجعین چې د اورېدلو او خبرې کولو توان نلري، دوی ته په اشاروي ژبه معلومات وړاندې کېږي؛ 
• پر نارینه وو سربېره، د ټیم د یوې برخې په توګه ښځینه کارکوونکې هم خدمت لپاره په دفتر کې شتون لري؛ 
• یادونه: په ګوګل نقشه (Google map) کې د دفتر کره موقعیت پوهېدو لپاره، لاندې پتې باندې کلیک وکړئ: